Great Cricketer

Main hamesha se ek behatareen Cricketer raha hoon …। maine bat lekar mirror ke saamne 62-63 centuries maari hai॥ sahwaag se 10 saal pahle hi main india ke side se 300 maar chukaa tha.. ghar ke ander banaane ki wajah se kisi ko pata nahi chalaa.. actually maine hi nahi bataya tha..main mirror ke saamne kabhi kabhi 0 per bhi out huaa hoon .. kyuki last 4 innigs se century bana raha tha aur aage bhi 2-3 banaani thii.....


world cup soccer me india qualify kar chuki hai॥ jiitanaa chahta tha.. lekin semi final tak jaane ki bhi himaat nahii hue..:(

Be Happy!!! :)

khush rahane ke kuchh tarike aaise hain jinme kuchh bhi nahi lagtaa ॥ aur rang bilkul chokhaa aata hai...heeng , fitkari ka to sawaal hi nahii ....aur wo tarike poori tarah se aap ke gulaam bhi hote hain...jab chahhe khush ho lo... maslan main room me akelaa hoon aur koi pasandeeda music shuru ho jaaye .... main 1 sec ke der kiye bina stage per chadh jata hoon....fir kya mazaal ki kishore kumaar yaa amitabh bachchan ki jhhalak bhi dikh jaye. bass main aur haanth me mic...saamne vishaal jan-samooh.. dikkat tab hotii hai jab kabhi kabhi gaane se achha koi saxophone ya guitar bajne lagtaa hai .. uss waqt main turant saajinde se saaz chhin letaa hoon..aur fir jhoom jhoom kar ... kyaa baat hai..abhi saxophone khatam bhi nahi hua tha ki kishore kumaar chaalu.. thodii sii cheating se kaam bann jata hai....ghar me main sabb gaano ko apni aawaz nahi detaa..sirf manpasand gaane.. haan albatta yatra ke dauraan agar car ya bass me koi gana bazz raha ho aur uska badlnaa ap ke adhikaar chhetra se bahar ho to sunidhi chauhaan ke saath saxophone baja leta hoon... :)

TEXT-BOOK

Har aam insaan raaj neta aur writers ki tarah merii bhi bachpan ki dher sari yaade hain..kaththi aur meethi yaadon ka pulinda hai bachpan..swabhavik hai meethii yaaden jyada hai..shayad bachpan isiliye achha hota hai ki khatti baton ko samjhne ka avgun hota hi nahi hai..aur bachpane me khatti lagii baate hi yaaddast ki sabse meethi baatein hotii hain.. khataas se bhare bachpan ki yaad bhi jindagi ke har mushkil daur me meethas ka ahsaas kara detii hai...jab kitabo me mahaan lekhako dwara likhe unake bachpan ki yaadon ko padhta hoon to jyadater baato se khud ko jod paata hoon ...sirf iss baat se ki KAASH HUM FIR BACHCHE ho jaate.. nahii..bachpan se judi sabse khushnuma baat ye hai ki bade hokar usako yaad kiyaa jaaye.. aur bada hone ki prakriyaa jitani TEZ ho utani achhi...kitaab, school aur religion chunne ka haq har bachhe ko milnaa chahiye….
aaj tak kisi darshnik ke intazaar me hoon jo ye samjhaa sake ki bachpan me hi School jana jaroori nahii.. bade hokar bhi padhaa ja saktaa hai.. binaa padhe bhi vidwaan huaa ja saktaa hai..kisi ko jabardasti Kalaam kyu banana jab wo kabir banaa chahta ho.... mera bachpan ki mithaaas mein, khataas sirf school ne gholi hai... aaj dekhta hoon to reading ka jabardast shauk hai.. BOOK me likha har TEXT padh saktaa hoon shayad sirf isliye
ki wo

TEXT-BOOK nahi hai...

handkerchief

Mujhe bike chalaane ka shauk kabhi nahi raha..car ne mujhe kabhi Facinate nahi kiyaa..halanki isaka kaaran Arthik awastha ki wajah se Car ka na hona bilkul nahi hai..lekin bike chalana kuchh vishesh mauke per bahut achha lagta tha..
shaam ko halki barish hone ke Dauraan jab main 3 dosto ko bike per bithaa kar hostel se
nikltaa to jaane kyu siir per rumaal ki patti banakar baandhne ka mann karta aur aaisa karna mujhe jems bond ke kafi paas la kar khada kar detaa..uss waqt apni taraf dekh rahi ladkiyon ke aankho me prabhavit hone ka jo bhaav dikhtaa wo kafi sachcha bhi lagtaa aur iss sabka poora credit jata .."rumaal" ko... mujhe rumaal ka koi bhi dusraa upyog aaj bhi nahi samjh aaya..iska pramaan ye ki jab se siir per rumaal bandhne se padne wale dushprabhav ka rahasya samjh aaya.. rumaal rakhna hi chhod diyaa...koi ladki kandhe per siir rakh kar roye..isaki bhi ummeed nahi….


A handkerchief is a square of fabric....

First Lesson

Bachpan ne jo sabse bada sabak diyaa wo ye ki.. bina chorii kiye khaye koi cheez swadisht nahi ho saktii..
CHEESE bhi nahii..haalanki bachpan me ye CHEESE chori karne ka saubhagya prapt nahi hua..Zahir hai..wo chura liye jaane ke liye kabhi ghar me aaya bhi nahii.. pata nahi bharat me tha bhi ki nahi.. ummeed hai america me raha hogaa.. haalanki mera bharat tab bhi mahaan hi thaa...ajeeb lagta hai Krishna ko bhagwaan maane ke baad bhi
parents ne apne bachcho me krishna kabhi nahi dekha..halaanki chori karke khaane ka jo mazaa hai usase bada dukh chorii na karne ke bawjood benefit of doubt ka na milna hota hai..jisaka main bahut shikaar hua hoon..insaan uss waqt apne ko sabiit karne ke liye pichhli sari choriyon ko kabool kar saktaa hai... har baar maar khane ke baad jab main agali chorii plan kar raha hotaa to maa me hamesha yashoda maiyya nazar aati...aaisa lagtaa ki hindutwa
aur adhyatma ka aadhar hi chori hai..krishna se bada sach aur kuchh na lagtaa..aaj chorii ke naam per oxygen lena bhi ganwara nahi ..krishna aaj bhi bahgwaan hai..sab kuchh kab bdalaa.."......................"

First Line

आज  पहली  बार  कुछ  लिखने  (टाइप  करने ) बैठा  हूँ , लिखना  क्या  है  नहीं  पता? लेकिन  पता है तो सिर्फ ये की  आज "लिखना "  है. शायद लेखको की जमात में शामिल होने का शौक या फिर अंदर कही छुपा हुआ लेखक (जो मुझे आज तक महसूस नहीं हुआ ) या फिर कुछ बोलने की चाह (खासकर जो दूसरो को बोलने में शर्म आये ) या फिर अपने को आजमाने की कोशिश ... या फिर कुछ ऐसा जो खुद को ही नहीं पता ...

हाँ " खुद को आजमाने की कोशिश"... ये सुनने में भी बेहतर लगता है, और कुछ असलियत के पास भी है / मेरे पास कभी कुछ ऐसा बताने को नहीं रहा (खुद के बारे में ) जो दुसरे पहले से ही जानते और समझते ना हो, और जो वो नहीं जानते और समझते, वो बात मैं जानता तो हूँ पर समझता खुद भी नहीं हूँ ... फिलहाल ये समझना सबसे मुश्किल काम है की "शुरू कहा से करू ???